Kismat

I wanted to write this in hindi font, but then.....

Kitne rang dikhaati hai yeh kismat
Kabhi yeh dikhaati hai sunehre sapne
Aur kabhi cheen leti hai yeh har khushi

Aur kabhi aazmaati hai insaan ko itna
Ki kissi se koi shikwa kare bhi to kya
kissi se koi shikayat kare bhi to kya

Yeh kismat..
Baadlon mein dhalti chaandni ki tarah
Rooh se bichchadte hue ehsaas ki tarah
aur aasmaan se toote hue ek taare ki tarah
Kabhi..rooth bhi jaati hai

Kya aitbaar karre koi aisi kismat ka
Jiski qaid se koi juda ho bhi jaaye to kya

Raah mein milne waale to bahut hai
Magar kismat ka sitara na mil paaye to kya